You are here

Home » रंगमंच » वन वे तिकीट

वन वे तिकीट

क्रूजवरून तीन सुंदर देशांची सफर घडवीत, मराठीतील ग्लॅमरस चेहऱ्यांना घेऊन तयार झालेला वन वे तिकीट हा सिनेमा येत्या २३ सप्टेंबरपासून मनोरंजनाची सफर घडवायला सज्ज झाला आहे. नुकताच या सिनेमाचा धमाकेदार ट्रेलर व म्युझिक लाँच सोहळा संपन्न झाला. ‘व्हिडीओ पॅलेस’ व ‘मेकब्रॅंड प्रस्तुत’ या सिनेमाची निर्मिती कोमल उनावणे यांनी केली असून दिग्दर्शन कमल नथानी व अमोल शेटगे यांनी केलंय.

वन वे तिकीट या सस्पेन्स थ्रिलर सिनेमाचे कथानक पाच व्यक्ती व एका शानदार क्रुझवरचा त्यांचा प्रवास यावर बेतलेले असून त्यात अनपेक्षित घटनांचे खिळवून ठेवणारे चित्रीकरण पहायला मिळणार आहे. सचित पाटील, अमृता खानविलकर, गश्मीर महाजनी, शशांक केतकर, नेहा महाजन असे मराठीतील ग्लॅमरस चेहरे या चित्रपटाच्या निमित्ताने पहिल्यांदाच एकत्र आले आहेत. सोबत आशा शेलार, रॉजर डेकोस्टा यांच्याही भूमिका आहेत.

Year of release: 
2016